Nojawan Nasal Par Media K Asrat Essay In Urdu

Social Media ke jahan be shumaar fawaid hain, wahein is ke nuqsanaat ki bhi aik lambi line hai. Social Media ke nuqsanaat mein waqat ka zyaya sehr-e-fehrist hai. Ziyada tar yahi hota hai ke aap kaam karne ke liye Computer On karte hain lekin Facebook, Twitter ya kisi doosri Social Media ki Site par itnay masroof ho jatay hain ke waqt guzarnay ka ehsas hi nahi hota aur wo kaam wahein ka wahein reh jata hai jis ke liye aap ne Computer On kya hota hai.

سوشل میڈیا کے نقصانات اردو میں پڑھنے کے لیے یہاں کلک کریں

Social Media ke nuqsanaat

Social Media ne jahan hamari zindagi ko behad aasaan bana kar muashray aur logon par musbat asraat muratab kiye hain wahein is ke manfi asraat ne logon ki zindagion ko mushkilaat aur pareshaniyon se dochar kar diya hai.

Ye bhi parhiye: Social Media kya hai aur hamari zindagi par kaisay assar andaaz ho raha hai

  • Social Media ke ziyada istemaal ki wajah se log apne walidain, behan bhaiyon aur rishte daaron ko waqat nahi day paate. Jis ki wajah se wo haqeeqi rishton se daur hotay ja rahay hain. Social Media bilkhushoos facebook par to logon  ne 5 hazaar dost banaye hotay hain lekin ghar mein jo chaar afraad reh rahay hotay hain un ke baray mein pata hi nahi hotak_h kon kis haal mein hai.
  • Social Media ki wajah se dost aur rishte daar bhi chottey ja rahay hain. Aik zamana tha jab log khushi aur ghami ke mamlaat par aik dosray ke ghar jaya karte thay. Aur doosron ki khushi ya gham mein barabar ke shareek huwa karte thay. Lekin ab Social Media ki badolat ye tamam mamlaat net pay hi bugta diye jatay hain. Jis ki wajah se apnaaiyat aur khuloos khatam hota ja raha hai.
  • Social Media ke ghair zaroori aur bila waja istemaal se taalib ilmoon ka bohat sa waqt zaya ho raha hai. Social Media ne taalib ilmoon se kitaaben chean li hain, aaj ki nojawan nasal kitabon ko itni ahmiyat aur waqt nahi deti, jitna internet ko diya ja raha hai, isi wajah se na sirf taleem ka harj ho raha hai, balkay imthehaan mein number bhi kam arhay hain.
  • Social Media par khuli azadi hoti hai. Is liye logon ko kisi qisam ka koi dar nahi hota, jis ki wajah se jis shakhs ke dil mein jo baat aati hai wo share kar deta hai. Is terha be hiyai ka khulay aam izhaar hota hai. Aur be maienay, be shaista aur be hooda zabaan ka istemaal kya jata hai. Aur baaz log to galion aur gheebat se bhi baz nahi atay.
  • Social Media ke zariye ziyada tar log jaali account bana kar doosron ko gumraah karte hain. Aisay larke larkiyon ke naamon se apna account bana kar deegar larkoon ko be waqoof bananay aur phansanay ka drama kar rahay hotay hain. Jis ki wajah se bhoolay bhaale log na sirf be waqoof bantay hain balkay zehni tor par maflooj  ho kar zind gi ke deegar mamlaat mein bhi feel ho jatay hain.
  • Social Media ka sab se bara nuqsaan ye hota hai kisi bhi khabar ya afwaah ko baghair tehqeeq ke poori duniya mein nashar kar diya jata hai. Social Media par be tahasha it-tila-aat hoti hain, ab un mein kitni haqayiq par mabni hain. Is ke baray mein kuch pata nahi hota. Aur baaz khabrain ya afwahen aisi hoti hain ke jin shaksiaat ke mutaliq hoti hain un ko mutaliqa cheez ke baray mein pata hi nahi hota.
  • Social Media ki wajah se zehni, ikhlaqi aur jismani sehat ko bhi nuqsaan pahonch raha hai. Nojawan ki barri tadaad is ke zariye bohat se ghalat kaam bhi kar rahi hai. Jis ki wajah se na sirf malik o qoum ka waqar majroo hota hai. Balkay bairooni duniya mein hamari koi izzat nahi rehti.
  • Social Media ko jasoosi ke liye bhi istemaal kya jata hai. Hum Social Media par jo kuch kar rahay hotay hain wo mukhtalif idaron aur mumalik ki nazron mein hota hai. Aur baaz maghribi mumalik to is cheez ko hamaray hi khilaaf bator propaganda bhi istemaal karte hain.
  • Social Media ka aik bara nuqsaan ye bhi hai ke hum Social Media par kuch aur hotay hain aur haqeeqi zindagi mein kuch aur, matlab Social Media par to hum bohat khush ikhlaq, milansaar, mhzhb, doosron ke gham mein shareek honay walay hotay hain jabkay haqeeqi zindagi mein aisa kuch nahi hota.
    Social Media ki wajah se duniya Global Village ban chuki hai. Aur dosri tehzibon ke asraat hamari zindagi par parney lagey hain. Jis ki wajah se hamaray nojawan be raah rawi ka shikaar ho rahay hain.
  • Social Media ki wajah se privacy bilkul khatam ho gayi hai. Agar kisi bhi ghar mein koi bhi zaati ya niji taqreeb munaqqid ho to aglay din aadhi duniya un ki taqrebaat ki taswerain dekh rahi hoti hai.

Social Media ke ziyada istemaal ne na sirf hamein apni family ghar baar, doston, rishte daaron se daur kar diya hai balkay is ki wajah se hum apne deen islam se bhi daur hotay ja rahay hain jo ke hamaray liye lamha fkrih hai.
Aakhri baat :

Internet, Mobile, Social Media aur technology ki taraqqi ki badolat ab to haalat ye ho gayi hai ke 2 saal ka bacha bhi games mein magan hai, baap whatsapp par chat kar raha hai to maa Facebook par status upload kar rahi hai aur beti Youtube se video search kar rahi hai. Aur haalat ye ho gayi hai ke kisi ke paas kisi dosray ke liye waqt hi nahi hai.

Like this:

LikeLoading...

Related

Post ko yahan se Share karen:

Mobile Phones- Fawaid Aur Nuqsanat

Mobile phone ak buhat achi aur jadeed tareen technology hai. Aj ki dunia main mobile buhat zeyada shuharat hasil kar chukka hay. Na sirf shuharat bulkay ab yeh her ak ki zarurat bun chukka hai. Lakin mobile phone k buhat sary fawaid k sath sath buhat sary nuqasanaat be hain. Kuch saalo se mobile ka istemal buhat zeyada ho gya hai, ab yeh na sirf karoobari logo k sat hota hai bulky bachu, baru aur bazurgo sub k pass hota hai.

Fawaid (Advantages):

  • Sub se aham faida mobile ka yeh hai k hum apny dosto, reshtedaro aur janny walo se baat kar sakty hain beshak hum jahan kahin be hon ak he shehar ya mulk main yah kahin mulk se  bahir.
  • Hum bijli k istemal k bagher ak dosry ko messages bhej sakty hain aur call kar sakty hain. Yeh mobile phone rakhny ki sub se bari wajah hai.
  • Hum mobile ko apny saat her jaga le ja sakty hain aur is tarah hm apni ahem calls waqat per attend kar sakty hain.
  • Mobile phone ap k karobar main ap ki buhat madad karta hai mesaal k tor per app apny kam karny ka mamul bana sakty hain, app internet istemal kar sakty hain, aur internet k zerye buhat se idarou k saat her waqt rabty mn rah sakty hain.
  • Aram k tore per app mobile phone ki buhat sari application se lutaf andoz ho sakty hain maslan tor per app game khel sakty hain, gany sun sakty hain aur apny dosto se baat cheet kar sakty hain.
  • Mobile phone k zeraye app apny azeezo aqarib se her waqt rabta kar sakty hain beshak wo dunia k kisi kony main be hoon.
  • Kisi be anhoni surat main app madat k lye apno ko bula sakty hain.

Buht sary fawaid k saat saat mobile phone k kuch nugasanat be hain.

Nuqsanat (Disadvantages):

  • Mobile ka buhat zeyada istemal insani demagh k lye nuqsan deh hai, khas tor per bacho aur teenager k lye jo kah 16 saal se kam hoon.
  • Jo log mobile buhat zeyada istemal karty hain un ko chakar ana shoro ho jaty hain, demagh main khoon ki rukawat peeda ho jati hai aur kano k buhat sary masail ka bais banta hain.
  • Kuch log driving karty waqt mobile ka istemal karty hain jo k accident ka bais banta hai.
  • Buhat sary siansdano kah mutaely (studies) se yeh sabit ho chukka hay kah mobile se jo shuaen (radiation) kharij hoti hain wo eardrum k lye buhat nuqsan deh hai.
  • Mobile kah buhat zeyada istemal ne logo k dermian amany samny ka rabta khatam kar dia hai.
  • Kuch bachy mobile phone ka buhat ghalt istemal shoro kar dety hain, aur class room main beth kah be mobile istemal karty hain jis se un ki taleem per bura asar parta hai.

Mobile kah fawaid aur nuqsanat dono hain, lakin yeh insan kah istemal pe munhasar hai kah woh is ko masbat yah manfi tareeky se istemal karta hai.

0 Replies to “Nojawan Nasal Par Media K Asrat Essay In Urdu”

Lascia un Commento

L'indirizzo email non verrà pubblicato. I campi obbligatori sono contrassegnati *